January 18, 2022

Shtetet e BE-së harxhuan 200 miliardë euro për mbrojtjen gjatë 2020-ës

Shpërndaje lajmin

Shtetet e Bashkimit Evropian shpenzuan rreth 200 miliardë euro për mbrojtjen në vitin 2020, por investimet e përbashkëta nga qeveritë ranë, tha Agjencia Evropiane e Mbrojtjes në një raport të hënën.

Në raport theksohet se shpenzimet totale të vendeve të BE-së, me përjashtim të Danimarkës, e cila nuk merr pjesë në projektet ushtarake të BE-së, arriti në 198 miliardë dollarë, një rritje prej 5% nga viti 2019.

Shpenzimet e mbrojtjes arritën në 1.5% të prodhimit ekonomik të 26 shteteve të BE-së, një shifër e mirëpritur për aleancën e NATO-s, të udhëhequr nga SHBA-ja, e cila ka kërkuar një objektiv shpenzimi prej 2% për aleatët e saj.

Megjithatë, raporti i Agjencisë Evropiane të Mbrojtjes vuri në dukje një rënie në shpenzimet bashkëpunuese, pavarësisht një pakti të mbrojtjes të BE-së, të nënshkruar në fund të vitit 2017, në përpjekje për të bashkuar burimet dhe për t’i dhënë fund konkurrencës midis industrive të shteteve.

“Tendenca rënëse në shpenzimet bashkëpunuese evropiane është veçanërisht shqetësuese”, tha shefi ekzekutiv i Agjencisë Europiane të Mbrojtjes, Jiri Sedivy, i cili zbuloi një rënie prej 13% në prokurimin e pajisjeve të përbashkëta krahasuar me vitin 2019.


Shpërndaje lajmin

Leave a Reply

Your email address will not be published. Required fields are marked *