SNB ndihmon Credit Suisse, ndalet hovi i humbjes

Credit Suisse para pak ditësh njoftoi se brenda natës se do të marrë hua deri në 50 miliardë franga nga Banka Kombëtare e Zvicrës (SNB) për të “forcuar” grupin, stoku i të cilit ka rënë, përcjell albinfo.ch.
Mediat zvicerane shkruajnë se kjo marreveshje vjen pas deklaratave të bëra nga SNB, e cila këtë javë tha se ishte e gatshme të ndërhynte me likuiditet.
Në të njëjtën kohë, CS njoftoi një seri kthimesh borxhi me vlerë rreth tre miliardë franga. “Këto masa janë një lëvizje vendimtare për të forcuar Credit Suisse, ndërsa ne vazhdojmë transformimin tonë strategjik për t’u ofruar vlera klientëve tanë,” tha Ulrich Körner, shef ekzekutiv i grupit bankar.
Kujtojmë se këtë të mërkurë, aksionet e Credit Suisse fillimisht ranë në 1.56 franga (me një humbje të pafavorshme prej 30% në hapje). Pasi arriti nivelin më të ulët historik, nga ora 14.30 e në vazhdim aksioni filloi të rikuperohej, rreth orës 16.00 u luhat rreth 1.90 (-15%), përpara se të zbriste dhe të mbyllej në 1.697 (-24 %).