SuImi i parë në territσrin rυs, a po merr Iυfta kthesën e madhe?

Shpërndaje lajmin

Ukraina refuzon ta pranojë ose mohojë përfshirjen e saj në sulmin e kryer 40 kilometra brenda kufirit të Rusisë, përderisa ka frikë se mund të jetë një operacion i inskenuar nga rusët.
Rusia e ka akuzuar Ukrainën se ka dërguar helikopterë përtej vijës kufitare për të sulmuar një depo të naftës. Ukraina nuk e ka konfirmuar se e ka kryer këtë sulm, shkruan The Guardian.
Një zyrtar rus në rajonin kufitar të Belgorodit ka thënë se mëngjesin e të premtes, dy helikopterë ukrainas, Mi-24, kanë kapërcyer kufirin dhe janë ulur goxha, para se të shpërthejnë raketat në depon e naftës, 24 milje (40 kilometra) larg kufirit.
Ministri i Jashtëm ukrainas, Dmytro Kuleba, ka thënë se ai nuk mund të konfirmojë as të mohojë raportimet e përfshirjes së Ukrainës në këtë sulm, pasi “nuk ka informacione nga ushtria”, ka raportuar Reuters.
Ndërkaq, Reuters raportoi se ministri ukraianas i Mbrojtjes nuk u është përgjigjur kërkesave për të komentuar akuzat e Rusisë.
Shumë opinionistë të shquar nga Ukraina kanë thënë se ky sulm mund të jetë inskenim i Rusisë, për të justifikuar përpjekjet e rusëve për të prishur negociatat që po zhvillohen për të arritur paqe.
Të premten, zëdhënësi i Kremlinit, Dmitri Peskov i ndezi këto zëra duke thënë se sulmi mund të pengonte negociatat, ndonse ai nuk njoftoi ndonjë reagim konkret rreth sulmit të dyshuar.

Leave a Reply

Your email address will not be published.