Treni në Austri e lëshon fjalimin e Hitlerit, tronditen udhëtarët

Fjalimi i Adolf Hitlerit ka tronditur udhëtarët në një tren në Austri të dielën. Fjalimi i Hitlerit u lëshua në bord.
Në vend të njoftimeve normale, një turmë u ndëgjua duke bërtitur ‘’Heil Hitler’’ dhe ‘’Sieg Hitler’’në sistemin e altoparlantëve të trenit, raporton BBC, përcjell Albinfo.ch.
Operatori theksoi se ditëve të fundit kanë ndodhur disa incidente të tilla, raporton BBC.
Një pasagjer i trenit tregoi se të gjithë në tren ishin komplet të shokuar.
Një deputet i Partisë së Gjelbër, David Stoegmueller, tha se fjalimi i Hitlerit u lëshua pak para se treni të mbërrinte në Vjenë.
‘’Ne ndëgjuam dy episode. Së pari ishin 30 sekonda të një fjalimi të Hitlerit, dhe pastaj ndëgjova ‘Sieg Heil’‘’, tha deputeti.
Ai shtoi se stafi i trenit nuk ishin në gjendje ta ndalonin regjistrimin dhe të bënin njoftimet e tyre.
Nga stafi i Hekurudhave Austriake (OEBB) thanë se dyshojnë se regjistrimet janë lëshuar nga pasagjerët.
‘’Ne aktualisht mund të supozojmë se njoftimet janë bërë nga personat në tren, përmes telefonëve të tyre. E kemi raportuar rastin në polici’’, thanë nga OEBB.
Bëhet e ditur se raportimi është bërë në drejtim të dy të dyshuarve.
Deputeti Stoegmueller tregoi se kishte marrë një email nga një burrë që kishte qenë në tren me një zonjë të moshuar që ishte një e mbijetuar e kampit të përqëndrimit të Hitlerit. “Ajo po qante’’, tha ai në email./Albinfo.ch/