Turqia bllokon anëtarësimin e Suedisë në NATO

Turqia ende nuk ka dhënë një përgjigje të prerë në lidhje me ratifikimin e ligjeve në Parlament që i hapin rrugë anëtarësimit të Suedisë dhe Finlandës në NATO.
“Stokholmi është plotësisht i përkushtuar në zbatim të marrëveshjes së nënshkruar vitin e kaluar në Madrid, mirëpo shtetit i duhen edhe gjashtë muaj të tjerë për të nënshkruar ligjet e reja që do t’i lejonin sistemit gjyqësor të zbatojë definicionet e reja për terrorizmin. Nuk jemi në pozicion për të dërguar ligjin e ratifikimit në Parlament”, ka thënë Kalin, zëdhënës i presidentit turk, Recep Tayyip Erdogan, në një konferencë për media në Stamboll.