Ukraina pranon kontingjentin e parë të ndihmave nga Kosova

Shpërndaje lajmin

Kontingjenti i parë i ndihmave nga Kosova për Ukrainën ka shkuar në destinacion. Pako e ndihmave përfshin ndihma mjekësore për spitalin ushtarak të Zaporizhias në jug të Ukrainës, përcjell albinfo.ch.
Kjo pako e ndihmave u nis nga të rinjtë prishtinas ‘Youth Community Project’, në bashkëpunim me ambasadën ukrianase në Tiranë.
Valon Arifi, aktivist i kësaj nisme, ka bërë të ditur përmes një cicërime në Twitter se ka mbërritur kontingjenti i parë me ndihma mjekësore në Ukrainë.
Ai tha se këto medikamente kanë mbërritur në Spitalin Ushtarak të Zaporizhias në jug të Ukrainës.
“Nga populli i Kosovës te Spitali ushtarak i Zaporizhias në jug të Ukrainës. Kosova qëndron me Ukrainën”, shkroi Arifi.

Leave a Reply

Your email address will not be published.