Vendet në Europë që ka pasur një rritje të punësimit
Zyra Evropiane për Statistikat, Eurostat, ka njoftuar se ngadalësimi i punësimit dhe tregut të punës ishte më i qëndrueshëm në tremujorin e tretë të 2022 krahasuar me tremujorin e dytë të 2022.
Sipas Eurostat, shkalla e punësimit në Bashkimin Evropian për personat e moshës 20 deri në 64 vjeç ishte 74.7 për qind në tremujorin e tretë të këtij viti, e qëndrueshme në krahasim me tremujorin e kaluar, raporton SchengenVisaInfo.com.
Edhe pse shkalla e punësimit mbeti e qëndrueshme në BE, Eurostat theksoi se ndryshimet janë vërejtur ende midis tremujorit të dytë dhe të tretë të këtij viti në të gjitha shtetet anëtare të BE-së.
Të dhënat e siguruara nga Eurostat tregojnë se rritjet më të larta janë regjistruar në Bullgari me +0,8 pikë përqindje, Belgjikë me +0,7 pikë përqindje, Portugali dhe Qipro të dyja me +0,4 pikë përqindje dhe Francë dhe Slloveni me +0,3 pikë përqindje.
Punësimi u rrit edhe në Lituani, Suedi dhe Hungari, por në një masë më të ulët dhe mbeti i qëndrueshëm në Letoni.
Nga ana tjetër, shkalla e punësimit ka rënë në 16 shtete anëtare të BE-së. Luksemburgu si dhe Irlanda shënuan uljen më të madhe të shkallës së punësimit (-8.8 pikë përqindje). Këto dy vende u pasuan nga Malta, Kroacia dhe Gjermania, të cilat shënuan një rënie prej -0.5 pikë përqindjeje.
Gjithashtu, në listën e vendeve në të cilat shkalla e punësimit ka rënë në tremujorin e tretë të këtij viti krahasuar me tremujorin e dytë, përfshihet edhe Austria, Estonia dhe Danimarka me -0.4 pikë përqindjeje, Çekia dhe Sllovakia me -0.3 pikë përqindje dhe Finlanda, Holanda, Italia, Greqia, Polonia dhe Spanja me -0.1 pikë përqindje.
LEXONI GJITHASHTU:
Protesta pas masakrës në Francë, komuniteti kurd akuzon policinë
Vendet e BE-së morën mbi 89 mijë kërkesa për azil në shtator
Murcia në Madrid: Treni me shpejtësi të lartë i jep fund ‘izolimit’ të juglindjes