VIDEO/ Rrëzohet sërish Biden teksa ngjit shkallët e avionit, hera e 5-të në radhë
Mediat e huaja kanë publikuar pamjet e presidentit amerikanë Joe Biden, i cili rrëzohet teksa ngjit shkallët e avionit Air Force One në Alabama.
New York Post thekson se kjo është hera e pestë që Joe Biden rrëzohet në shkallët e aeroplanit presidencial, ku incidenti më i fundit ndodhi disa javë më parë kur ai po largohej nga Polonia pas udhëtimit në Ukrainë.
Duke u ndalur tek rrëzimet e shpeshta në publik, mediat amerikane ngrejnë pikëpyetje mbi gjendjen shëndetësore të presidentit amerikan.
Këto aksidente kanë shkaktuar reagimin e republikanëve të cilët akuzojnë Joe Biden se nuk ka aftësinë mendore dhe fizike për të qenë në postin e presidentit të SHBA-ve.
Mjeku i Biden në raportin e tij prej pesë faqesh mbi gjendjen shëndetësore të presidentit deklaroi në shkurt se presidenti kishte “artrit të lehtë pas frakturës së këmbës dhe neuropati të lehtë periferike ndijore të këmbëve”.
Biden stumbles again on Air Force One, almost falls on Alabama trip https://t.co/3bcEaF8Szm pic.twitter.com/8D5St5uYf0
— New York Post (@nypost) March 6, 2023