April 18, 2021

VIDEO/ Tjetër sukses i madh i Napolit në transfertë, Mertens thyen Romën

Shpërndaje lajmin

Napoli triumfon në një tjetër transfertë të vështirë dhe siguron suksesin e tretë radhazi në Serie A. Pas triumfit në “San Siro” kundër Milanit, djemtë e Gennaro Gattusos mposhtin edhe Romën në “Olimpico” me rezultatin 0-2.

Sfida u vendos nga një dygolësh i Dries Mertens, i cili është rikthyer në formën e tij më të mirë. Napoli zgjidhi gjithçka në pjesën e parë, me sulmuesin belg që tundi rrjetën verdhekuqe dy herë brenda shtatë minutave.

Në fillim realizoi falë një goditje dënimi të ekzekutuar me mjeshtëri dhe më vonë pas një asisti të marrë nga Matteo Politano, duke u ngjitur në kuotën e shtatë golave sezonalë në kampionatin italian.

 

Renditja e Serie A

Marash Kumbulla u fut në fushë për Romën vetëm në minutën e 83-të, ndërsa Elseid Hysaj e zhvilloi të plotë ndeshjen në krahun tjetër. Fitorja e sotme e ka ngjitur Napolin në vend të pestë, tre pikë mbi Romën dhe dy më pak se Atalanta. /abcnews.al


Shpërndaje lajmin

Leave a Reply

Your email address will not be published. Required fields are marked *