Vjedhja e shtëpisë së zyrtares nga pastruesja, Rama: Tu shkohet deri në fund parave të pista

Shpërndaje lajmin

Kryeministri Edi Rama ka reaguar për herë të parë vjedhjen e shtëpisë së ish-zyrtares Alda Klosi nga pastruesja Rozeta Dobi, e cila në bashkëpunim me të birin i vodhi mijëra euro. Në një postim në Twitter, Rama shkruan se reforma në drejtësi bëhet për të pastruar “llumin”.
“Nuk e di kur do ta kuptojnë disa që Reforma në Drejtësi dhe forcimi i institucioneve ligjzbatuese bëhen pikërisht për të pastruar llumin! Prandaj kur del llumi falë punës së këtyre institucioneve, s’duhet harruar se këto janë provat e vullnetit tonë kundër korrupsionit!
E thënë ndryshe, në një kohë tjetër policia apo drejtësia nuk ia nxirrnin kurrë lakrat në shesh njerëzve të veshur me kostum zyrtar, ndërsa sot kohët ndryshojnë përditë për mirë edhe në këtë drejtim! Sepse sot vullneti politik është i plotë dhe mburoja e vjetër politike ka rënë!
Unë uroj vetëm që t’u shkohet sa më shumë deri në fund historive të ulëta me para të pista dhe forca e ligjit të mos ndalojë përpara askujt, kur faktet provojnë se është shkelur ligji për përfitime të paligjshme, nga kushdoqoftë.”, ka shkruar kreu i qeverisë përmes disa postimeve në Twitter. /abcews.al

Leave a Reply

Your email address will not be published. Required fields are marked *