Zelensky u bën thirrje kompanive franceze të largohen nga Rusia

Shpërndaje lajmin

Presidenti i Ukrainës Volodomyr Zelensky, duke iu drejtuar parlamentit të Francës përmes lidhjeje live, u ka bërë thirrje kompanive franceze që të largohen nga Rusia.
“Renault, Auchan, Leroy Merlin dhe të tjerët duhet të ndalojnë sponsorizimin e makinerisë së luftës ruse. Ata duhet të ndalojnë financimin e vrasjeve të grave dhe fëmijëve,” u tha ai deputetëve francezë në komentet e raportuara nga Le Monde.
Renault është kritikuar ditët e fundit pasi prodhuesi i makinave rifilloi prodhimin në fabrikën e tij në Moskë.
Prodhuesi i makinave ka vendosur të mbajë të paprekur praninë e tij në Rusi, duke respektuar sanksionet ndërkombëtare, raportoi Reuters./

Leave a Reply

Your email address will not be published.