Zveçan: Grafitë të reja që lidhen me sulmin terrorist të Banjskës

Në qytetin e Zveçanit janë shfaqur grafitë të reja nacionaliste.
Zëvendësdrejtori i Policisë për rajonin e Mitrovicës së Veriut, Veton Elshani, i ka thënë KOHËS se është parë shkrimi “24.09”, duke iu referuar sulmit në Banjskë. Për këtë s’është iniciuar rast.
“Janë grafitë të vjetra, ndonjë shkrim i ri aty-këtu. Numri ‘24.09’. Nuk është iniciuar rast”, ka thënë ai.
Në sulmin e grupeve serbe në Banjskë ka mbetur i vrarë rreshteri i Policisë së Kosovës, Afrim Bunjaku.
Edhe “Kur ushtria të kthehet në Kosovë” është ndër grafitet që shkruhej në veri të Kosovës.