Zvicër: 1633 infeksione dhe 13 të vdekur në 24 orët e fundit

Shpërndaje lajmin

Zyra Federale e Shëndetit Publik ka raportuar në pasditen e sotme 1,633 raste të reja që kishin rezultuar pozitive për virusin corona në 24 orët e fundit.

Kjo e vë mesataren e 7 ditëve në 1699 që është 18 për qind më pak se në javën e kaluar, raporton srf.ch.

Incidenca 14-ditore aktualisht është 289.52.

Shkalla mesatare pozitive e 7 ditëve të fundit është 7.4 për qind, transmeton albinfo.ch. Krahasuar me javën e kaluar, norma pozitive është ulur me 1 pikë përqindjeje.

Numri i testeve të bëra në një mesatare 7-ditore është 26,368 teste në ditë, ose ka mbetur i njëjtë në krahasim me javën e mëparshme.

Për shkak të strategjisë së zgjerimit të  mundësisë së testimit, gjithnjë e më shumë njerëz pa simptoma po testohen (për shembull, si pjesë e testeve masive), përcjell albinfo.ch. Prandaj, kjo zgjedhje paraprake mund të rezultojë në një përqindje më të lartë të testeve pozitive.

BAG raporton 13 raste të reja të vdekjeve në lidhje me koronavirusin. Mesatarja 7 ditore është 8 të vdekur që është 15 për qind më shumë se në javën e kaluar.

Aktualisht BAG raporton 1,063 persona që po trajtohen në spitale për Covid-19. Kjo është 5 për qind më pak se në javën e kaluar.

 


Shpërndaje lajmin

Leave a Reply

Your email address will not be published. Required fields are marked *