Zvicër: Ndalohet shoferi i autobusit, voziti 27 ditë pa pushuar

Një shofer autobusi ka vozitur për 27 ditë pa pushuar asnjë ditë.
46-vjeçari slloven u ndalua të shtunën në Steinhausen të Kantonit Zug.
Policia nuk e ka lejuar të vazhdojë rrugëtimin. Ai duhej të gjente një zëvendësues dhe të paguante një gjobë prej disa mijëra frangash, përcjell albinfo.ch.
Shoferi nuk e respektoi periudhën ligjore të pushimit, tha të hënën zyra e prokurorisë së Kantonit të Zug-ut. Për më tepër, për të fshehur shkeljen, ai ka vozitur një ditë pa kartë në tahografin e automjetit të tij. Ai u raportua në Ministrinë Publike.