Zvicra po heton kërkesat e azilit me dokumente të rreme të Ukrainës

0
Shpërndaje lajmin

Çdo kërkesë e pestë për statusin e mbrojtjes S për të cilën mund të aplikojnë njerëzit nga Ukraina refuzohet. Kështu tregojnë shifrat nga Sekretariati Shtetëror për Migracionin SEM për tre muajt e parë të vitit, transmeton albinfo.ch. Kjo tregon një zhvillim të ri, kur të krahasohet me faktin se në fillim të vitit 2023 miratoheshin 97 për qind e aplikimeve ose refuzohej vetëm një në tridhjetë kërkesa.
Pushtimi rus i Ukrainës ka npodhur më shumë se dy vjet më parë. Kjo është arsyeja pse një numër relativisht i madh njerëzish kanë fituar ndërkohë statusin e azilit në ndonjë vend tjetër, thotë Magdalena Rast nga SEM (Sekretariati Federal për Migracion), shkruan srf.ch.
“Prandaj, këta njerëz nuk marrin më statusin e mbrojtjes S në Zvicër”.
SEM-it i duhen aktualisht rreth tre muaj për t’iu përgjigjur një kërkese për statusin e mbrojtjes S. Në fillim të vitit 2023 i duheshin mesatarisht rreth dy javë.
Tani, shqyrtimi i kërkesave për status S kërkon më shumë angazhim sesa më parë
Autoritetet zvicerane tani po shikojnë më nga afër, për shembull për të zbuluar nëse dikush mund të ketë një pasaportë të rreme ukrainase me të cilën pretendon të marrë statusin e lakmuar S. Prandaj shqyrtohen më nga afër arsyet e arratisjes dhe qendra e jetës para shpërthimit të agresionit rus mbi Ukrainën.
Përpjekjet për Sekretariatin Shtetëror për Migracionin janë shtuar, thotë Magdalena Rast: “Këto sqarime kërkojnë kohë. Përpjekja është rritur ndjeshëm, përcjell albinfo.ch. Por sigurisht që njerëzit ende marrin saktësisht të njëjtën mbrojtje në Zvicër”.

Leave a Reply

Your email address will not be published. Required fields are marked *