Zyrtarët e BE-së: Pritet një takim urgjent Kurti-Vuçiq

Bashkimi Evropian konsideron se marrëveshja e nënshkruar për Asociacionin e Komunave Serbe (AKS) është një detyrim ndërkombëtar, nuk mund të ketë negociata të reja për të dhe tani zbatimi i saj është vetëm një “çështje procedurale”, kryesisht për Prishtinën, thanë zyrtarët e BE-së në Bruksel për agjencinë e lajmeve ‘Beta’.
Në pyetjen se si “duhet të inicohet dhe të zhvillohet procedura”, zyrtarët e BE-së janë përgjigjur se “tani u takon shqiptarëve të Kosovës, autoriteteve në Prishtinë ta paraqesin pa vonesë”.
Në të njëjtën kohë, siç theksuan ata, pritet që urgjentisht të mbahet një takim në nivelin më të lartë Beograd-Prishtinë, Vuçiq-Kurti, me ndërmjetësimin e BE-së dhe mbështetjen e SHBA-së, i cili gjithashtu duhet të përfshijnë negociatat për një “plan evropian, gjermano-francez” për të zgjidhur marrëdhëniet midis dy palëve.
“Progresi nevojitet urgjentisht dhe BE-ja dhe SHBA-ja do të bëjnë gjithçka për të ndihmuar pa imponuar një zgjidhje”, kanë nënvizuar këto burime.
Zyrtarët e përfshirë në funksionimin e Shërbimit Evropian të Veprimit Ndërkombëtar (EEAS) iu përgjigjën pyetjes së Betës se si i sheh BE-ja deklaratat e presidentit serb Aleksandar Vuçiq se ai i tha zyrtarit të lartë amerikan Derek Scholl se nuk e kupton se si Prishtina synon të zbatojë marrëveshjen për AKS-në, nëse pretendon se ajo duhet të jetë në përputhje me mendimin e Gjykatës Kushtetuese të Kosovës.
Në vërejtjen se autoritetet serbe dhe serbët në Kosovë besojnë se interpretimi i Gjykatës Kushtetuese të Kosovës se AKS nuk është në përputhje me Kushtetutën, përbën reduktim të AKS-së në ndonjë organizatë joqeveritare, dhe Vuçiq thekson se kjo “i bën bisedimet e pakuptimta për zbatimin e marrëveshjes tashmë të përfunduar”, zyrtarët në Bruksel u përgjigjën se marrëveshja për AKS-në është plotësisht e qartë dhe se është e mundur të zbatohet.
Burime diplomatike evropiane i thanë Beta-s se është e vërtetë që Marrëveshja për AKS-në përmend në mënyrë të paqartë se Gjykata Kushtetuese e Kosovës mund të kryejë një “auditim”, por se kjo nuk i vë domosdoshmërisht në pikëpyetje të gjitha dispozitat e qarta të asaj marrëveshjeje ndërkombëtare, miratuar nga Kuvendi i Kosovës dhe që tashmë është akt juridik ndërkombëtar.
Këshilltari në Departamentin Amerikan të Shtetit, Derek Schole, dhe shefi i Zyrës së BE-së në Prishtinë, Tomas Sunjog, e kanë bërë të qartë se për formimin e AKS-së duhet të merret parasysh edhe mendimi i Gjykatës Kushtetuese të Kosovës.
Të pyetur për të thënë se çfarë do të thotë deklarata e Miroslav Lajçakut, i dërguari special i BE-së për dialogun Beograd-Prishtinë, se ai dhe partnerët amerikanë specifikuan “rendin e hapave në dialog”, zyrtarët e BE-së shpjeguan se kjo do të thotë se partnerët e dinin çfarë hapash prisnin BE-ja dhe SHBA-ja në dialog.